Este ano a Asociación Cultural Xan de Arzúa venderá rifas para o sorteo de 5 vales por valor de 100€ cada un para gastar no comercio e na hostalería de Allariz que colabora ca Festa do Boi.
O sorteo realizarase xusto antes de dar comezo a orquestra do xoves 16 de xuño.
Sacaranse os 5 n.º gañadores e 5 n.º de reserva.
Os/as gañadores/as deberán poñerse en contacto connosco ou ben no correo festadoboi@allariz.gal, por redes sociais Festa do Boi ( Facebook ou Instagram) ou no 678680700 antes das 23:59h do domingo 19 de xuño.
De non ser así pasaremos ao número de reserva que toque por orde de sorteo. Os números que sexan de reserva terán dende o momento de comunicación, que será o 20 de xuño, ata as 23:59h do 23 de xuño.
Os números colgaranse tanto en redes sociais coma na web da Festa do Boi, para que todas as persoas que adquiran unha rifa, poidan consultar se foron agraciadas, así coma unha listaxe dos establecementos colaboradores no que se poderán gastar os premios.